काठमाडौं । 
चालु आर्थिक बर्ष २०८२/८३ को १० महिनामा जीवन बीमा व्यवसाय १४ प्रतिशतले बढेको छ । नेपाल बीमा प्राधिकरणले मंगलबार सार्वजनिक गरेको वैशाख मसान्तसम्मको तथ्यांकले जीवन बीमा व्यवसायमा सो बराबरको वृद्धि देखाएको हो । 

हाल नेपालमा १४ ठूला र तीन लघु गरेर १७ जीवन बीमा कम्पनी छन् । गत आवको १० महिनामा उनीहरूले एक खर्ब ४० अर्ब ३५ करोड दुई लाख रूपैयाँ बीमाशुल्क संकलन गरेका थिए । चालु आवको १० महिनामा भने एक खर्ब ५९ अर्ब ९६ करोड ५८ लाख रूपैयाँ बराबरको बीमाशुल्क संकलन गरेका छन् । 
 

समीक्षा अवधिमा नेपाल लाइफ इन्स्योरेन्सले सबै भन्दा धेरै बीमाशुल्क संकलन गरेको छ । उक्त कम्पनीले ४१ अर्ब १६ करोड ६६ लाख रूपैयाँ बीमाशुल्क संकलन गरेको छ । दोस्रो नम्बरमा भने नेशनल लाइफ इन्स्योरेन्स कम्पनी देखिएको छ । उक्त कम्पनीले १९ अर्ब दुई करोड ५९ लाख रूपैयाँ बीमाशुल्क संकलन गरेको तथ्यांकमा उल्लेख छ । तेस्रो स्थानमा रहेको एलआईसी नेपालले १६ अर्ब ८४ करोड २८ लाख रूपैयाँ बीमाशुल्क संकलन गरेको छ ।
 

हेर्नुहोस्, कुन कम्पनीले कति संकलन गरे बीमाशुल्क ?  रकम रु. लाखमा